Aza 29
 Abenduaren 2an ITZALDIA 
 
 
Ira 21
Irrintzi ikastaroa
Noiz: Irailaren 30ean.
- 18:30 Hitzaldia Azebarrin (irekia).
- 19:30 Irrintzi tailerra (16 lagun). Eguraldiak laguntzen badu Portu Zaharreko belardian, bestela Azebarrin.
Nork: Amaia Gartzia nUriondo
 
Hitzaldia irekia izango da daukagun aforoa bete artean.
Tailerrerako izena eman behar da, 16 lagunek baino ezin dutelako parte hartu.
 
20 Maiatza 2021

FLAMENKO IKASTAROAK

Written by

 
 
 
 

Apirilaren 16an, ostirala, 19:00etan Amoranteren kontzertua izango dugu Azebarri elkartean.

 
Amorante, Iban Urizar (Elgoibar 1975) musikariaren proiektua da.
2014tik han hemenka dabil emanaldiak ematen eta musika sortzen.
Herritik ateratzen den musika erabiltzen du helduleku bezala,
errotik ateratzen ditu musika ezberdinen sustraiak gero
erraietatik kantatu ahal izateko.
Herritik, errotik eta erraietatik sortzen da amoranteren musika.
Amorantek tronpeta jo dezake dena beltzez margotzeko, kopla bat
autotunearekin abestu dezake osabaren ispiritua inbokatzeko,
elektronikaz busti dezake aspaldi ahaztutako hitzak gogoratzeko.
Bere musikaren jatorria urruneko oiartzunek dakarte, baina gaur
egungo haizea darabil bere buru, eztarri eta ezpainetan.
 
Bat edo hiru
(Forbidden Colours Diskoetxea, 2020)
Bat edo Hiru du izena AMORANTEren disko berriak. Zazpi kantuk
osatzen duten disko beltza da, iluna eta era berean, tristeziaren
edertasuna dario diskoari. Iluntasuna hitzetan sumatu daiteke eta
aukeratutako tresnak eta estetikak eragin zuzena izan dute
diskoaren izaera ilun hori nabarmentzen.
Diskoa Aitor Etxebarriaren estudioan grabatu du eta hark egin ditu
ekoizle lanak. Erabili dituen musika tresnek, ukitu solemnea
erantsi diete hitzetatik abiatutako kantei. Hala, tronpetak
inoizko presentziarik handiena du, pianoak eta soinu elektronikoek
giro jakin batera garamatzate, Mariano Hurtadok sartu dituen
kontrabaxu doinuek edota Joseba Irazokik kanta batean sartu duen
gitarrak giro horri ñabardurak eransteko helburua izan dute, baita
ahotsari ezarritako efektuek ere. Guztien artean, giro ilun,
malenkoniatsu, liturgiko, solemne hori sortu dute, lantzean,
zirrikitu estuetatik sartzen diren argi izpiez betetzen den giroa.
Bat edo Hiru diskoa pandemiaren aurretik sortzen hasi zen Amorante
eta hasiera batean asmo hori ez bazuen ere, zazpi kantu hauek modu
batean edo bestean kontzeptu bati josita ekarri ditu diskora.
Zazpi kantuotan heriotza ageri baita, batzuetan gertakarien
ondorio gisa, bestetzuetan dramaren eragile edota eskenatokiko
teloia bailitzan.
Bizi ditugun garai ilunotarako soinu-banda posibleetako bat da
disko hau.
Estekak:
WEB: https://forbiddencolours.net/booking/amorante/
YouTube: Amorante
Twitter: @amorantenaiz
Facebook: @Amorante
Instagram: @amorantenaiz
 
 
 
 
 
 
 
 
 
 
 
 
 
 
 Txerra Rodriguez ’30 urte mihigintzan’

Liburu aurkezpena.

Martxoak 11, osteguna

Ordua: 19:00

Sarrera doan. 

Sinopsia:

80 eta 90eko hamarkadetan sortu ziren euskara elkarteak. Orain arte gutxi ikertu izan dira, are gutxiago, mugimendu sozialen emaitzen argitara. Lan honek aztertu nahi ditu euskara elkarteek euskararen biziberritzeari dagokionez lortu dituzten emaitzak, emaitza politiko zein kulturalak, substantiboak eta ukiezinak. Horrez gain, aurrera begirako proposamen praktikoak ere ekarri nahi ditu. Hori guztia egiteko, hainbat ahotsi eskatu zaio iritzia, euskara elkarteen biran ibilitako jendearen polifonia dakar lanak, ikerketa aktibistaren galbahetik pasatu ostean.

Hemen Txerrari egindako elkarrizketa:

"Txerra Rodriguez: «Topagune indartsu batek ezin ditu ordezkatu euskara elkarte ahul asko» | Gizartea | Berria" https://ddec1-0-en-ctp.trendmicro.com:443/wis/clicktime/v1/query?url=https%3a%2f%2fwww.berria.eus%2fpaperekoa%2f1884%2f008%2f001%2f2021%2d02%2d19%2ftopagune%2dindartsu%2dbatek%2dezin%2dditu%2dordezkatu%2deuskara%2delkarte%2dahul%2dasko.amp.html&umid=fedfd7af-61cd-4334-bce2-f8afb53b6308&auth=edd48041473965e02565b5b7ceec248ab48113a8-ca6288c5c2309de9edd3dac10db8c33d7393d56b

Aforo mugatua, azken eguna izena emateko: Martxoak 10

Mailez:  Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Ots 11
 
 
 
 
 
 
 
 
 
 Asisko SUGARREN MENDE komikia

Asisko Urmeneta, komikiaren egileak emandako hitzaldi ilustratua.

 

Otsailak 24, asteazkena

Ordua: 19:00

Sarrera doan. 

 

Sinopsia:

 

Duela 410 urte burutu zen Logroñoko autodafea, zeinean erre egin baitzuten hainbat euskaldun, sorgintzat akusaturik.
Hura ez zen, ordea, bakarra izan: mende batean barrena Inkisizioak segada ikaragarriak egin baitzituen

Nafarroan, Erronkaribarretik Amezkoaraino, milaka herritar ehizatuz.
Bordeleko Tribunalak, aldi berean, sutan ezarri zuen Lapurdi guztia, sekta satanikoaren aitzakian.

 

Zerk eraman zituen jurista eta teologo ilustratu haiek aitorraraztera gure arbasoei sorginak zirela?

“Inquisitores contra tales procedere et non est omitedum circa istas sorguinas illud quod quaedam fceleratae mulieres retro post Sathanas converse daemonum illusionibus…”

“Repertorium Inquisitorum”, 1494.

“Con haber muchas personas ancianas en las Cinco Villas y otros lugares, ninguna sabia qué cosa era ser brujo, ni qué cosa era aquelarre”

Antonio Venegas de Figueroa, Iruñeko apezpikua, 1611.

“SUGARREN MENDE” liburuan mendetako isiltasuna urratu dugu, mitologia zahar eta berria baztertu, ikerketa historikoaren bidez.

“Ez da behar bezainbeste ikertu Inkisizioaren izate politikoa eta poliziala”

Natalia Silva Prada, Mexikoko Unibertsitatea.

 

 

Aforo mugatua, azken eguna izena emateko: Otsailak 23

Mailez:  Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Abe 09
 
 
 
 
 
 
 
 
 
 
 

Maite Larburu

Hezurren azpian

 

Kontzertua

 

Abenduak 18, ostirala

Ordua: 20:00

 

Azken urteetan Herbehereetako bizilekua utzi eta Euskal Herrira itzuli da Maite Larburu hernaniarra, eta horrek zaildu egin du Josh Cheathamekin elkarlanean jarraitzea. Hortaz, Neighborren hirugarren diskorako prestatuak zituzten abestiak bere bakarkako lehen diskorako erabiltzea erabaki du. Beraz, «Hezurren azpian» bakarkako lan honetan biboliñak hartu duen garrantzia nabaria da. Gitarra klasikoa eta elektrikoak ere badute tokia kantu berrietan.

Nomadatzat du bere burua Larburuk, hala ere jaioterrira itzultzearekin lotura handia du lan berriak. Bidaia dute ardatz lehenbiziko kantuek, ibaia hitza da berriz azken kantuan protagonista.

Kortserik eta egitura zurrunik gabeko abestiak dira egilearen esanetan, tarteka geldo eta tarteka abiada biziagoan doazen doinuak dira. Lan berriari etiketa jartzea ez da erraza, estilo propioa bait du Maite Larburu musikariak.

Patxadaz eta arretaz aditu beharreko lana da. Xamurra, eta sentsibilitate handiko bidaia da “Hezurren azpikoa”.

 

https://maitelarburu.bandcamp.com/

 

Bideo batzuk:

 

https://www.youtube.com/watch?v=1iJqE15DJuQ

 

https://www.youtube.com/watch?v=YUObJHwa8VA

 

Aforo mugatua.

Azken eguna izena emateko: Abenduak 17

Mailez:  Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

 

Sarrera doan. 

Aza 04
 
 
 
 
 
 
 Erraiak 
 
Dokumentalaren emanaldia eta Ekain Martinez de Lizarduy
 
zuzendariarekin solasaldia.
 
 
Azaroak 11, asteazkena
Ordua: 19:00
Sarrera doan. 

 

Sinopsia:

Kobazuloetatik datorkigun oihua. Entzun, sentitu eta kantatu egiten duguna. Hitzik gabeko hizkuntza. Erraietatik ateratzen zaiguna. Arbasoen oihartzuna.

Baina noiztik dugu irrintzia gure artean? Bizirik jarraitzen al du XXI. mendean? Hauek eta beste hainbat galderen erantzuna bilatzen duen ariketa da Erraiak dokumentala. Euskal Herriko txoko ezberdinetan barrena murgilduz irrintziaren jatorria eta hedapenaren azterketa egin dugu. Ze eragin du irrintziak kostaldeko marinelen jardunean? Zer eragin barrualdeko bailaren egunerokoan?

Ekain Martinez de Lizarduy irakasleak eta Arteman Komunikazioak lankidetzan egindako dokumental honek Euskal Herri osoan zehar irrintziarekin zerikusi zuzena duten pertsonen testigantzak jasotzen ditu. Nondik dator irrintzia? Nola deitzen zaio Nafarroako mendietan, Gipuzkoako bailaretan edota Bizkaiko kostaldean? Zein da soinu miresgarri honen arrazoi zientifikoa?

Irrintzia ardatz izanda ekoiztu den dokumental bakarra dugu hau, euskara hutsean grabatutakoa. Euskal kulturaren sakontze ariketa paregabea. Goza ezazu!

Iraupena: 33 min.

Trailerra: https://vimeo.com/299862439

Irabazitako sariak:

-Best Short Documentary. 6th MONTECINE. Montevideo World Film Festival (Uruguay. 2020)
-Best Short Documentary.Independent Documentary Film Festival The Legendary (USA.2020).
-Fan Award. Independent Documentary Film Festival The Legendary (USA. 2020)
- Best Short Documentary. Rome International Movie Awards (Italy.2020).
 

Informazio gehiagohttps://arteman.eus/erraiak/

Aforo mugatua, azken eguna izena emateko: Azaroak 10
 
 
Orrialdea 1/5