Bertsoen presentzia aspaldikoa dugu Algortako saninazioetan. Hainbat eta hainbat bertsolarik zapaldu izan dute Algortako plaza estimatua. Urte osoan zehar ALBEk makina bat bertso-ekitaldi antolatzen ditu gure eskualdean, eta sonatuetako bat, BERTSO-MARATOIA dugu, dudarik gabe. Aurten bertso-maratoiko bazkaria AZEBARRIn izango da, Abra Sarian goia jo zuten Zebu eta Josetxo sukaldarien eskutik. ANDONI EGAÑA eta MAIALEN LUJANBIO luxuzko bazkaltiar izango ditugu San Inazio eguneko bazkari horretan. Ziur gaude ondo baino hobeto jakingo dutela gure harrera beroa bertso itzelez ordaintzen. Animatu zuok ere!

Kantatzen ez duenak zorionik ez duela esan ohi da. Eta guk ez genuke ezelan ere zoritxarrekoak izan gura. Are gutxiago jaietan! Eta horregatik antolatu dugu, aurtengo saninazioetan, kantu-jira eder bat herriko kantu-talde bikain birekin: ITXARKANTU eta KANTU KANTARI. Algortako kaleetan zehar ibiliko gara, erdigunetik abiatuta, bazterrak euskal kantuz alaitzen. Kalez kaleko eta tabernaz tabernako ibilbidea AZEBARRIn amaituko da, eta han, bokata eder batzuk jan ostean, kalejirako azken notak abestuko ditugu, zoli-zoli, ekimen berri hau behar bazala amaitzeko. Ez da akabukoa izango!

Kantutegia deskargatu esteka honetan.

Azkenean Gibelurdiñak bere herrian kotzertua burutzeko parada izan zuten....

DATA: Martxoak 27

EKITALDIA: Gibelurdiñak

LABURPENTXUE: Publiko dezente hurbil zen Azebarr kulturi elkartera Gibelurdiñen kontzartuarekin gozatzera. Dena primeran irtan zen eta berriro ere noiz etorriko diren zain gelditzen gara.

Euskara, musika, bertsolaritza, aisialdia, sukaldaritza, literatura, kirola, zinea, .... Sakatu EKITALDIAK IKUSI botoia eta jakizue zer ekitaldi egin ditugun orain arte (AURREKOAK), eta zein eskaintzen dizkizuegun gaur gero (HURRENGOAK).